Full width home advertisement

Sri Lanka News

Climb the mountains

Post Page Advertisement [Top]


மனிதர்களுக்கு வரும் மிகவும் முக்கியமான மற்றும் ஆபத்தான நோய்களில் ஒன்று சர்க்கரை வியாதி ஆகும். இதில் துரதிர்ஷ்டவசமான செய்தி என்னவென்றால் உலகில் அதிகளவு மக்கள் சர்க்கரை வியாதியால் பாதிக்கப்பட்டுள்ளனர். சர்க்கரை வியாதி வந்துவிட்டால் ஒருவர் சாதாரண வாழ்க்கையை வாழவே முடியாது.


சர்க்கரை நோய் ஒருவரின் வாழ்க்கையில் அனைத்து விஷயங்களிலும் குறுக்கிடும், அப்படி இது பாதிப்பை ஏற்படுத்தும் ஒரு முக்கியமான விஷயம் தாம்பாத்யம் ஆகும். சர்க்கரை நோய் ஒருவரின் தாம்பத்யத்தில் பெரிய பாதிப்பை ஏற்படுத்தும். இந்த பதிவில் சர்க்கரை நோய் உள்ளவர்கள் எப்படி தங்களின் தாம்பத்ய வாழ்க்கையை ஆரோக்கியமாக வைத்துக்கொள்ளலாம் என்று பார்க்கலாம்.


உடலுறவு இன்சுலின் போல செயல்படலாம், இது உங்கள் இரத்த சர்க்கரையை குறைக்கிறது, எனவே உடலுறவுக்கு முன் உங்கள் இரத்த சர்க்கரையை சோதனை செய்து கொள்வது நல்லது. உங்கள் சர்க்கரை அளவு குறைவாக இருந்தால் உங்கள் இன்சுலின் அளவை சரிசெய்ய வேண்டும், உடலுறவுக்கு முன்னரோ அல்லது பின்னரோ ஏதாவது சாப்பிட வேண்டும். இது உங்களை ஹைப்போகிளைசெமிக் நிலைக்கு செல்வதைத் தவிர்க்கும்.


மது அருந்திய பிறகு தாம்பத்யத்தில் ஈடுபடும் போது எச்சரிக்கையாக இருக்க வேண்டும். மது மற்றும் உடலுறவு இரண்டும் இரத்தத்தின் சர்க்கரை அளவை வேகமாக குறைக்கும். எனவே இரண்டையும் இணைப்பது இரத்த சர்க்கரையின் அளவில் ஆபத்தான வீழ்ச்சியை ஏற்படுத்தும். எனவே மது அருந்திவிட்டு தாம்பத்யத்தில் ஈடுபடும் போது உங்கள் குளுக்கோஸ் அளவை கவனியுங்கள்.


இது மிகவும் அரிதானது சர்க்கரை நோய் சில சமயம் நரம்புக் கோளாறுகள் மற்றும் பிறப்புறுப்பில் உணர்திறன் இழப்பு போன்ற கோளாறுகளை ஏற்படுத்தும். சரியான இடங்களில் கூடுதல் மென்மையான தொடுதலுடன் இதை ஈடுசெய்யலாம்.


உங்களை உடற்பயிற்சி செய்ய தூண்டுவதற்கு இந்த ஒரு காரணம் போதும். ஏனெனில் இது உங்கள் பாலியல் செயல்திறனை தூண்டும். உடற்பயிற்சி இரத்த ஓட்டத்தை மேம்படுத்துகிறது, இது பிறப்புறுப்பின் செயல்பாடு மற்றும் உணர்திறனை மேம்படுத்தும். குறைவான உடலுறவு கொண்ட ஆண்கள் மற்றும் பெண்கள் இருவரும் வழக்கமான உடற்பயிற்சியால் பயனடைவார்கள் என்று நிபுணர்கள் கூறுகின்றனர்.


உங்கள் பிறப்புறுப்பை சுற்றி என்ன நடக்கிறது என்பதில் கவனம் செலுத்துங்கள். உயர் இரத்த சர்க்கரை பாக்டீரியாவை தடுக்கும் உங்கள் உடலின் திறனை குறைக்கிறது. இதனால் உங்கள் பிறப்புறுப்பை சுற்றி தொற்றுநோய்கள் ஏற்படலாம். நீங்கள் உடலுறவின் போது வலியை உணர்ந்தால் (குறிப்பாக பெண்களுக்கு), இரத்த சிறுநீர் இருந்தால், நீங்கள் சிறுநீர் கழிக்கும்போது எரியும் உணர்வை அனுபவித்தால், அல்லது அடிக்கடி சிறுநீர் கழிக்க வேண்டிய அவசியத்தை உணர்ந்தால் மருத்துவரிடம் செல்ல வேண்டும். உடலுறவுக்கு முன்னும் பின்னும் (30 நிமிடங்களுக்குள்) சிறுநீர் கழிப்பது நல்லது. இது சிறுநீர்ப்பை தொற்றுநோய்களைத் தடுக்க உதவும்.


பொதுவாக சர்க்கரை நோய் இருக்கும் ஆண்களுக்கு விறைப்புத்தன்மையில் பிரச்சினையில் இருக்கலாம். இதனை சரி செய்ய இயற்கையான சிகிச்சை முறையை கையாளவும். சில இயற்கை மூலிகைகள் இந்த பிரச்சினையை சரி செய்யும். ஆனால் அதனை செய்யும் முன் உங்கள் மருத்துவரை ஆலோசிப்பது நல்லது, ஏனெனில் இவை உங்களின் மற்ற மருந்துகளின் விளைவுகளில் தலையிடும்.

Bottom Ad [Post Page]

| Designed by idea X Technology