Full width home advertisement

Sri Lanka News

Climb the mountains

Post Page Advertisement [Top]

இணையப் பயனர்களில் பெரும்பாலானோர், அவர்கள் விரும்பும் அடிப்படைத் தகவல், உணவு, சமையல், ஆன்லைன் வங்கி சேவை, ஆன்லைன் ஷாப்பிங் மற்றும் மருந்துகளை வாங்குவது வரை அனைத்தையும் கூகிள் சர்ச் என்ஜினை பயன்படுத்துவதையே பழக்கமாகக் கொண்டுள்ளனர்.


தேடவே கூடாத 10 பொதுவான விஷயங்கள் 

 
கூகுளில் தேடவே கூடாத 10 பொதுவான விஷயங்கள் மற்றும் இதனால் ஏற்படும் ஆபத்துகள் என்ன என்பதை பார்ப்பதற்கு முன்பு, முதலில் கூகுளில் நீங்கள் பார்க்கும் அனைத்து வலைத்தளங்களையும் கூகிள் உருவாக்கவில்லை, உங்களுக்கு தேவையான தகவல்களை வழங்கும் வலைத்தளங்களைத் தேடிப்பிடித்து வழங்கும் ஒரு ஆன்லைன் தளமாக மட்டுமே கூகுள் செயல்படுகிறது என்பதைப் புரிந்துகொள்ளுங்கள்.



1. ஆன்லைன் வங்கி ஆபத்து

 
உங்கள் வங்கியின் ஆன்லைன் வலைத்தளங்களைத் Google இல் தேடுவதைத் தவிர்க்கவும். பிஷ்ஷிங் (phishing) செய்வதற்கான வாய்ப்புகள் கடுமையாக அதிகரித்து வருவதால், வங்கியின் அதிகாரப்பூர்வ வலைத்தளம் போல் தோற்றமளிக்கும் போலி வலைத்தளத்தில் சிக்கி, உங்கள் தனிப்பட்ட விபரங்களை பதிவிட்டு ஆபத்தில் சிக்காதீர்கள்.



2. கஸ்டமர் கேர் எண்கள் மூலம் ஆபத்து 

 
 உங்களுக்கு தேவையான நிறுவனங்களின் வாடிக்கையாளர் பராமரிப்பு எண்களை ஒருபோதும் கூகிளில் தேட வேண்டாம். மோசடி செய்பவர்கள், அசல் வாடிக்கையாளர் பராமரிப்பு எண்கள் போன்ற போலி எண்களை வலைத்தளத்தில் பதிவு செய்துள்ளனர். அவர்களின் வலைக்குள் சிக்கிக் கொள்ளாதீர்கள்.



3. ஆப்ஸ் டவுன்லோட் மூலம் ஆபத்து 

 
 உங்களுக்குத் தேவையான ஆப்ஸ்களை டவுன்லோட் செய்ய, கூகுள் பிளே ஸ்டோர் மற்றும் ஆப் ஸ்டோர் போன்ற அதிகாரப்பூர்வ தளங்களை மட்டும் பயன்படுத்துங்கள். மால்வேர் உடன் கூடிய ஆப்களை டவுன்லோட் செய்வதற்கான வாய்ப்பு கூகுள் தளத்தில் அதிகமாக உள்ளது. இதனால் ஆபத்தான சிக்கலில் சிக்கிக்கொள்ளும் வாய்ப்பு அதிகம்.



4. ஆன்லைன் மருந்துகள் மூலம் ஆபத்து 

 
கூகிளில் மருந்துகள் அல்லது மருத்துவ அறிகுறிகளை ஒருபோதும் தேட வேண்டாம். அது உங்களின் உயிருக்கே ஆபத்தாய் மாறிவிட கூடும் என்பதை தெரிந்துகொள்ளுங்கள். நீங்கள் நோய்வாய்ப்பட்டிருக்கும் போது, மருத்துவரை அணுகுவதே சிறந்தது. மருத்துவ அறிகுறிகள் அனைத்தும் கூகுளில் துல்லியமாக இருக்காது என்பதை நினைவில் வையுங்கள். ஆன்லைன் மருந்துகளை, மருத்துவரின் அறிவுரை இல்லாமல் ஆர்டர் செய்வதையும் தவிர்த்துவிடுங்கள்.



5. தனிப்பட்ட நிதி மற்றும் பங்குச் சந்தை ஆபத்து 

 
ஆரோக்கியத்தைப் போலவே, தனிப்பட்ட நிதி ஒவ்வொருவருக்கும் தனித்துவமானது, அனைவரையும் பணக்காரர்களாக மாற்றும் ஒரு முதலீட்டுத் திட்டம் ஒருபோதும் இருக்க முடியாது என்பதைத் தெரிந்துகொள்ளுங்கள். எனவே, முதலீடு செய்யும் போது கூகிள் தேடல் முடிவுகளிலிருந்து ஆலோசனையைப் பெறுவதைத் தவிர்த்துவிடுங்கள். இது உங்களுக்கு லாபத்தை தரவில்லை என்றாலும் நஷ்டத்தை தராது.


6. அரசாங்க வலைத்தளங்கள் மூலம் ஆபத்து 

 
வங்கி வலைத்தளங்களைப் போலவே, நகராட்சி வரி, மருத்துவமனைகள் போன்ற அரசாங்க வலைத்தளங்கள் தான் மோசடி செய்பவர்களின் பிரதான இலக்குகளாக இருக்கிறது. எனவே சரியான URL உங்களுக்குத் தெரிந்தால் மட்டும் நேரடியாக அந்த தளங்களுக்குச் செல்லுங்கள். போலியான மோசக்காரர்களின் வலைத்தளங்களில் சிக்கிக்கொள்ளாதீர்கள்.
 


7. சமூக வலைத்தள லாகின் ஆபத்து 

 
 சமூக வலைத்தள ஆப்-கள் மூலம் எப்போதும் லாகின் செய்ய அறிவுறுத்தப்படுகிறது, சமூக வலைத்தள அக்கௌன்ட்களை கூகிளில் இருந்து லாகின் செய்யாதீர்கள். கூகுள் மூலம் லாகின் செய்வது ஃபிஷிங்கிற்கு வழிவகுக்கும் என்பதை நினைவில் வைத்துக்கொள்ளுங்கள்.



8. ஈ-காமர்ஸ் வலைத்தள ஆபத்து 

 
ஈ-காமர்ஸ் வலைத்தளங்களில் கிடைக்கும் சலுகைகளுக்கான இலவச கூப்பன் தளங்கள் மற்றும் போலி ஈ-காமர்ஸ் வலைத்தளங்கள் கூகுள்லில் அதிகரித்து வருகின்றது. இந்த தளங்களை கிளிக் செய்தால், உங்களின் ஆன்லைன் வங்கி விபரங்கள் திருடப்படும் என்பதை அறிந்து ஆபத்தில் சிக்கி கொள்ளாமல் தப்பித்துக்கொள்ளுங்கள்.



9. ஆன்டி-வைரஸ் ஆபத்து 

 
ஆபத்திலிருந்து தடுப்பதற்கு தானே ஆன்டி-வைரஸ் பயன்படுத்துகிறோம். அதில் என்னப்பா சிக்கல் என்று கேட்குறீங்களா? காரணம் இருக்கு, இலவசமாகக் கிடைக்கும் ஆன்டி-வைரஸ் இல் ஆபத்து நிச்சயம் இருக்கு. இலவசமாகக் கிடைக்கும் எதோ ஒன்றின் பின்னால், நிச்சயம் நீங்கள் ஏமாற்றப்படுவீர்கள் என்பதைத் தெரிந்துகொள்ளுங்கள். உங்களின் விபரங்களை கொடுத்தபின் தான் இந்த இலவசம் உங்களுக்கு கிடைக்கிறது. அப்போ சொன்னது சரி தானே.



10. கூப்பன் கோடு ஆபத்து 

 
ஆன்லைன் ஷாப்பிங்கில் தள்ளுபடிக்கு, உங்களுக்கு ஒரு கூப்பன் கோடு கிடைத்தால், அது நல்லது. ஆனால் கூகுளில் கூப்பன் கோடுகளை தேடி, சிக்கலில் சிக்கி உங்கள் வங்கி விபரங்களை வீணாய் மோசக்காரர்களுக்குக் கொடுக்காதீர்கள். ஆசைக் காட்டி தான் மோசக்காரர்கள் மக்களை தங்கள் வலையில் சிக்க வைக்கின்றனர்.


Bottom Ad [Post Page]

| Designed by idea X Technology